SELIMORA-ს ონლაინმაღაზიის წესები და პირობები

1. მოქმედების სფერო

წინამდებარე წესები და პირობები არეგულირებს SELIMORA-ს ვებგვერდით სარგებლობას, პროდუქციის ონლაინ შეძენას, გადახდას, მიწოდებას, დაბრუნებასა და მომხმარებლის კანონიერ უფლებებს.

ვებგვერდის გამოყენებით ან შეკვეთის განთავსებით მომხმარებელი ადასტურებს, რომ გაეცნო და ეთანხმება წინამდებარე პირობებს.

2. პროდუქტის შესახებ ინფორმაცია

SELIMORA მომხმარებელს პროდუქტის შეძენამდე აწვდის ინფორმაციას პროდუქტის დასახელების, ბრენდის, ძირითადი მახასიათებლების, მოცულობის, ზომის, ფერის, მდგომარეობისა და ფასის შესახებ.

პროდუქტის ფოტოები მაქსიმალურად რეალურად ასახავს საქონელს. ეკრანის პარამეტრების, განათების ან ფოტოგადაღების პირობების გამო ფერის უმნიშვნელო განსხვავება თავისთავად არ ითვლება პროდუქტის შეუსაბამობად.

პროდუქტის არსებითი მახასიათებლები განისაზღვრება შესაბამის გვერდზე გამოქვეყნებული აღწერით.

3. პროდუქტის ხელმისაწვდომობა

ვებგვერდზე წარმოდგენილი პროდუქციის რაოდენობა შესაძლოა შეზღუდული იყოს. უმეტეს შემთხვევაში SELIMORA-ს თითოეული პროდუქტი მხოლოდ ერთი ან რამდენიმე ერთეულის სახით აქვს.

თუ შეკვეთილი პროდუქტი აღარ არის ხელმისაწვდომი, მომხმარებელს ამის შესახებ დაუყოვნებლივ ეცნობება. ასეთ შემთხვევაში გადახდილი თანხა სრულად დაუბრუნდება მომხმარებელს.

4. შეკვეთის განთავსება და ხელშეკრულების დადება

მომხმარებელი შეკვეთას განათავსებს ვებგვერდზე შესაბამისი პროდუქტის არჩევითა და შეკვეთის პროცესის დასრულებით.

შეკვეთის განთავსებამდე მომხმარებელი ვალდებულია გადაამოწმოს მითითებული ინფორმაცია, მათ შორის პროდუქტი, რაოდენობა, ფასი, მიწოდების მისამართი და საკონტაქტო მონაცემები.

ნასყიდობის ხელშეკრულება დადებულად ითვლება მას შემდეგ, რაც SELIMORA მომხმარებელს გაუგზავნის შეკვეთის დადასტურებას.

SELIMORA უფლებამოსილია უარი თქვას შეკვეთის მიღებაზე, თუ პროდუქტი აღარ არის ხელმისაწვდომი, გადახდა ვერ დასტურდება ან მომხმარებლის მიერ მიწოდებული მონაცემები არასრული ან აშკარად არასწორია.

5. ფასები

ვებგვერდზე ყველა ფასი მითითებულია ქართულ ლარში (GEL) და ევროში(€).

შეკვეთის საბოლოო ფასი მომხმარებელს ეჩვენება შეკვეთის დასრულებამდე. მიწოდების საფასური, არსებობის შემთხვევაში, მითითებული იქნება ცალკე.

SELIMORA უფლებამოსილია შეცვალოს პროდუქციის ფასები. ფასის ცვლილება არ ვრცელდება უკვე დადასტურებულ შეკვეთაზე.

6. გადახდა

გადახდა შესაძლებელია ვებგვერდზე მითითებული გადახდის მეთოდებით, მათ შორის საბანკო ბარათით, საბანკო გადარიცხვით ან სხვა ხელმისაწვდომი საშუალებით.

საბანკო ბარათით გადახდისას ტრანზაქცია მუშავდება შესაბამისი გადახდის მომსახურების პროვაიდერის მიერ. SELIMORA არ ინახავს მომხმარებლის საბანკო ბარათის სრულ მონაცემებს.

შეკვეთა დამუშავდება გადახდის წარმატებით დადასტურების შემდეგ.

7. მიწოდება

პროდუქცია მიეწოდება მომხმარებლის მიერ შეკვეთისას მითითებულ მისამართზე.

მიწოდების სავარაუდო ვადა და ღირებულება მომხმარებელს ეცნობება შეკვეთის დასრულებამდე ან შეკვეთის დადასტურებისას.

თუ მხარეები სხვა ვადაზე არ შეთანხმებულან, პროდუქტი მომხმარებელს მიეწოდება ხელშეკრულების დადებიდან არაუგვიანეს 30 კალენდარული დღისა.

მომხმარებელი პასუხისმგებელია მიწოდების სწორი და სრული მისამართისა და საკონტაქტო მონაცემების მითითებაზე.

8. მიწოდების შეფერხება

თუ მიწოდება შეფერხდა SELIMORA-ს კონტროლის მიღმა არსებული მიზეზის გამო, მომხმარებელს ამის შესახებ ეცნობება გონივრულ ვადაში.

თუ პროდუქტის მიწოდება შეთანხმებულ ვადაში ვერ ხერხდება, მომხმარებელს შეუძლია გამყიდველს განუსაზღვროს დამატებითი გონივრული ვადა.

თუ პროდუქტი არც დამატებით ვადაში მიეწოდება, მომხმარებელს უფლება აქვს უარი თქვას ხელშეკრულებაზე და მოითხოვოს გადახდილი თანხის დაბრუნება კანონით დადგენილი წესით.

9. პროდუქტის დაკარგვის ან დაზიანების რისკი

პროდუქტის შემთხვევითი დაკარგვის ან დაზიანების რისკი მომხმარებელზე გადადის პროდუქტის მისთვის ან მის მიერ უფლებამოსილი მესამე პირისთვის ფაქტობრივად გადაცემის მომენტიდან.

თუ მომხმარებელი თავად ირჩევს გადამზიდავს, რომელიც SELIMORA-ს მიერ არ ყოფილა შეთავაზებული, რისკი მომხმარებელზე შეიძლება გადავიდეს პროდუქტის გადამზიდავისთვის გადაცემის მომენტიდან.

10. ხელშეკრულებაზე უარის თქმის უფლება

მომხმარებელს უფლება აქვს ონლაინ დადებულ ხელშეკრულებაზე უარი თქვას ყოველგვარი მიზეზის მითითების გარეშე, პროდუქტის მიღებიდან 14 კალენდარული დღის განმავლობაში, გარდა კანონით გათვალისწინებული გამონაკლისებისა.

თუ ერთი შეკვეთის პროდუქცია ნაწილ-ნაწილ მიეწოდება მომხმარებელს, 14-დღიანი ვადა იწყება შეკვეთის ბოლო ნაწილის მიღების დღიდან.

11. უარის თქმის შესახებ შეტყობინება

ხელშეკრულებაზე უარის თქმისთვის მომხმარებელმა 14-დღიანი ვადის ამოწურვამდე SELIMORA-ს უნდა გაუგზავნოს მკაფიო შეტყობინება ელფოსტით ან სხვა მითითებული საკომუნიკაციო საშუალებით.

შეტყობინებაში უნდა მიეთითოს:

• მომხმარებლის სახელი და გვარი;

• შეკვეთის ნომერი;

• პროდუქტის დასახელება;

• შეკვეთისა და პროდუქტის მიღების თარიღი;

• მომხმარებლის მისამართი და საკონტაქტო ინფორმაცია;

• განცხადება ხელშეკრულებაზე უარის თქმის შესახებ.

მომხმარებელი პასუხისმგებელია უარის თქმის შესახებ შეტყობინების დროულად გაგზავნის დადასტურებაზე.

12. პროდუქტის დაბრუნება

უარის თქმის შესახებ შეტყობინების გაგზავნის შემდეგ მომხმარებელმა პროდუქტი SELIMORA-ს ან მის მიერ მითითებულ პირს უნდა დაუბრუნოს დაუსაბუთებელი დაყოვნების გარეშე და არაუგვიანეს 7 კალენდარული დღისა.

დასაბრუნებელი პროდუქტი უსაფრთხოდ უნდა იყოს შეფუთული, რათა ტრანსპორტირებისას არ დაზიანდეს.

მომხმარებელი ფარავს პროდუქტის უკან დაბრუნების პირდაპირ ხარჯს, გარდა იმ შემთხვევისა, როდესაც SELIMORA თავად დათანხმდა ამ ხარჯის დაფარვას ან მომხმარებელს წინასწარ არ მიაწოდა ინფორმაცია ასეთი ხარჯის არსებობის შესახებ.

13. თანხის დაბრუნება

ხელშეკრულებაზე კანონიერად უარის თქმის შემთხვევაში SELIMORA მომხმარებელს დაუბრუნებს მიღებულ თანხას, მათ შორის სტანდარტული მიწოდების ღირებულებას, დაუსაბუთებელი დაყოვნების გარეშე და უარის თქმის შესახებ შეტყობინების მიღებიდან არაუგვიანეს 14 კალენდარული დღისა.

თუ მომხმარებელმა აირჩია SELIMORA-ს მიერ შეთავაზებულ სტანდარტულ მიწოდებაზე უფრო ძვირი მომსახურება, დამატებითი ღირებულება დაბრუნებას არ ექვემდებარება.

SELIMORA-ს უფლება აქვს თანხის დაბრუნება შეაჩეროს პროდუქტის უკან მიღებამდე ან მომხმარებლის მიერ პროდუქტის გაგზავნის დამადასტურებელი საბუთის წარმოდგენამდე, იმის მიხედვით, თუ რომელი მოხდება უფრო ადრე.

თანხა დაბრუნდება გადახდის იმავე საშუალებით, რომლითაც მომხმარებელმა გადაიხადა, თუ მხარეები სხვა მეთოდზე არ შეთანხმდებიან.

14. დაბრუნებული პროდუქტის მდგომარეობა

მომხმარებელს უფლება აქვს პროდუქტი დაათვალიეროს და შეამოწმოს მხოლოდ იმ მოცულობით, რაც აუცილებელია მისი ბუნების, მახასიათებლებისა და ფუნქციონირების დასადგენად.

მომხმარებელი პასუხისმგებელია პროდუქტის ღირებულების შემცირებაზე, თუ პროდუქტი გამოყენებულია იმაზე მეტად, ვიდრე აუცილებელია მისი ჩვეულებრივი დათვალიერებისა და შემოწმებისთვის.

დაბრუნებისას სასურველია პროდუქტს ახლდეს ორიგინალი შეფუთვა, იარლიყები, აქსესუარები, დამცავი ჩანთა და სხვა თანდართული ნაწილები. შეფუთვის არარსებობა თავისთავად არ აუქმებს კანონიერ დაბრუნების უფლებას, თუმცა პროდუქტის დაზიანებამ, გამოყენებამ ან არასრულად დაბრუნებამ შეიძლება გამოიწვიოს დასაბრუნებელი თანხის შესაბამისი შემცირება.

15. სუნამოების, კოსმეტიკისა და სხვა დალუქული პროდუქციის დაბრუნება

დალუქული პროდუქტის დაბრუნება შესაძლებელია, თუ იგი არ არის გახსნილი, გამოყენებული ან დაზიანებული.

თუ პროდუქტი მიწოდებული იყო ჰერმეტულად ან ჰიგიენურად დალუქული, მომხმარებელმა კი მიღების შემდეგ გახსნა და ჯანმრთელობის დაცვის ან ჰიგიენური მიზეზების გამო პროდუქტი აღარ ექვემდებარება დაბრუნებას, ხელშეკრულებაზე უარის თქმის უფლება შეიძლება არ გავრცელდეს ასეთ პროდუქტზე საქართველოს კანონმდებლობით გათვალისწინებულ შემთხვევებში.

სუნამოს ან კოსმეტიკური პროდუქტის გახსნა, შესხურება, დატესტვა ან გამოყენება შეიძლება ჩაითვალოს პროდუქტის ღირებულების შემცირებად ან, კანონით გათვალისწინებულ შემთხვევაში, დაბრუნების უფლების გამონაკლისად.

ეს შეზღუდვა არ ვრცელდება შემთხვევაზე, როდესაც პროდუქტი მომხმარებელს გადაეცა დაზიანებული, დეფექტური, არასწორი ან შეკვეთის აღწერასთან შეუსაბამო მდგომარეობით.

16. დეფექტური პროდუქტი და კანონიერი გარანტია

თუ მიღებული პროდუქტი დეფექტურია ან არ შეესაბამება შეკვეთას ან ვებგვერდზე გამოქვეყნებულ აღწერას, მომხმარებელს უფლება აქვს მოითხოვოს პროდუქტის უსასყიდლოდ შეკეთება ან შეცვლა.

თუ პროდუქტის შეკეთება ან შეცვლა შეუძლებელია, არ ხორციელდება გონივრულ ვადაში ან მომხმარებელს მნიშვნელოვან დაბრკოლებას უქმნის, მომხმარებელს შეუძლია მოითხოვოს ფასის შესაბამისი შემცირება ან ხელშეკრულებაზე უარის თქმა და თანხის დაბრუნება კანონით გათვალისწინებული პირობების შესაბამისად.

კანონიერი გარანტია არ ვრცელდება ჩვეულებრივი გამოყენებით გამოწვეულ ცვეთაზე, არასწორი გამოყენებით, არასათანადო შენახვით, შემთხვევითი დაზიანებით ან პროდუქტის მიღების შემდეგ მომხმარებლის ან მესამე პირის მოქმედებით წარმოშობილ დაზიანებაზე.

წინამდებარე პირობები არ ზღუდავს მომხმარებლის საქართველოს კანონმდებლობით მინიჭებულ უფლებებს.

17. პროდუქტის ორიგინალურობა

SELIMORA-ში წარმოდგენილი პროდუქცია არის 100%-ით ორიგინალი და შეძენილია ავტორიზებული ან სანდო ევროპული მომწოდებლებისგან.

თუ დადასტურდება, რომ მომხმარებლისთვის მიწოდებული პროდუქტი არ არის ორიგინალი, მომხმარებელს უფლება აქვს დააბრუნოს პროდუქტი და მოითხოვოს გადახდილი თანხის სრული ანაზღაურება.

ორიგინალურობასთან დაკავშირებული პრეტენზიის შემთხვევაში მომხმარებელმა SELIMORA-ს უნდა მიაწოდოს პროდუქტის ფოტოები, შეფუთვის მონაცემები და სხვა ხელმისაწვდომი ინფორმაცია, რომელიც საჭიროა საკითხის შესასწავლად.

18. არასწორი ან ტრანსპორტირებისას დაზიანებული პროდუქტი

თუ მომხმარებელმა მიიღო არასწორი პროდუქტი ან ამანათი მიწოდებისას დაზიანებულია, მან ამის შესახებ SELIMORA-ს გონივრულ ვადაში უნდა აცნობოს და, შესაძლებლობის შემთხვევაში, წარადგინოს პროდუქტისა და შეფუთვის ფოტოები ან ვიდეო.

შეტყობინების დაგვიანება თავისთავად არ აუქმებს მომხმარებლის კანონიერ უფლებებს, თუმცა დროული ინფორმირება ხელს უწყობს შემთხვევის სწრაფად და სწორად განხილვას.

19. პერსონალური მონაცემების დაცვა

SELIMORA მომხმარებლის პერსონალურ მონაცემებს ამუშავებს მხოლოდ შეკვეთის შესრულების, გადახდის, მიწოდების, მომხმარებელთან კომუნიკაციისა და კანონით გათვალისწინებული ვალდებულებების შესრულების მიზნით.

მონაცემები შეიძლება გადაეცეს მხოლოდ იმ პირებს, რომელთა მონაწილეობაც აუცილებელია შეკვეთის შესასრულებლად, მათ შორის გადახდის მომსახურების პროვაიდერს, კურიერს ან ლოჯისტიკურ პარტნიორს.

პერსონალური მონაცემების დამუშავება ხორციელდება საქართველოს მოქმედი კანონმდებლობის შესაბამისად.

20. პასუხისმგებლობა და ფორსმაჟორი

SELIMORA პასუხისმგებელია მომხმარებლისთვის მიყენებულ ზიანზე საქართველოს კანონმდებლობით დადგენილ ფარგლებში.

SELIMORA არ არის პასუხისმგებელი ვალდებულების შესრულების შეფერხებაზე ან შეუძლებლობაზე, თუ ეს გამოწვეულია მის კონტროლს მიღმა არსებული გაუთვალისწინებელი გარემოებით, მათ შორის სტიქიური უბედურებით, ომით, გაფიცვით, სახელმწიფო შეზღუდვით, სატრანსპორტო ან საკომუნიკაციო სისტემების მნიშვნელოვანი შეფერხებით.

ფორსმაჟორი არ ზღუდავს მომხმარებლის იმ უფლებებს, რომელთა შეზღუდვაც კანონით დაუშვებელია.

21. საჩივარი და დავის გადაწყვეტა

მომხმარებელს შეუძლია შეკვეთასთან ან პროდუქტთან დაკავშირებული საჩივარი გაუგზავნოს SELIMORA-ს მის ოფიციალურ ელფოსტაზე ან დაუკავშირდეს მაღაზიას ვებგვერდზე მითითებული ტელეფონის ნომრით.

SELIMORA შეეცდება საჩივარი განიხილოს და მომხმარებელს პასუხი გასცეს გონივრულ ვადაში.

მომხმარებელს ასევე უფლება აქვს მიმართოს საქართველოს კონკურენციისა და მომხმარებლის დაცვის სააგენტოს, სასამართლოს, არბიტრაჟს ან მედიაციას კანონით დადგენილი წესით.

22. მოქმედი კანონმდებლობა და პირობების ცვლილება

წინამდებარე წესები და პირობები რეგულირდება საქართველოს კანონმდებლობით.

თუ რომელიმე დებულება ბათილი ან აღუსრულებელი აღმოჩნდება, ეს გავლენას არ მოახდენს დანარჩენი დებულებების მოქმედებაზე.

SELIMORA უფლებამოსილია საჭიროების შემთხვევაში შეცვალოს წინამდებარე პირობები. განახლებული ვერსია გამოქვეყნდება ვებგვერდზე და გავრცელდება მისი გამოქვეყნების შემდეგ განთავსებულ შეკვეთებზე.

ბოლო განახლების თარიღი: 13.08.026